Page 16 - Pagsisiyam sa Karangalan ni Poong San Jose

Nakakalungkot na mamalas na unti-unting nawawala ang
magandang kaugaliang yaon na ang mga magulang ay
nagpapala sa kanilang mga anak. Sa mabuting angkan, ang anak
gabi-gabi ay lumalapit at kinakamtan ang mga pagpapala ng mga
magulang. Mga sandaling di malilimutan ng isang anak, ang mga
sandaling ang ama at ina niya ay nagpapala at naggagawad sa
kanya ng aral sa sariling tahanan, sa panganib, sa isang
Pananampalataya o sa pag-iisang dibdib. O, kalugod-lugod
bagaman nakapangingilabot na panoorin ang tanawing ang ama,
na nahahandusay sa banig ng kamatayan, tumawag sa mga anak
at katulad ng matandang si Jacob ay nagwiwika sa kanila:
“Lumapit kayo upang kayo ay aking pagpalain at basbasan bago
ako mamatay.”

Kung ang mga magulang ay tunay na mabuti at may takot sa
Diyos, sila ay kikilalanin ng mga anak na mga tunay na kinatawan
ng Diyos, ang kanyang mga aral at payo ay dadakilain at ang
kanilang kabuhayan at mabuting halimbawa ay magsisilbing
batis ng mga pagpapala hanggang sa wakas ng kanilang buhay.

O mga ama ng angkan! O mga magulang! Mamuhay nawa kayo
kagaya ni San Jose, ng upang ang mga anghel ng kalangitan ay
maaring tumahan sa inyong tahanan at kayo ay ingatan gayundin
ang inyong mga anak sa banal na kapayapaan.

IKA-WALONG ARAW
SI SAN JOSE, TAGAPAG-INGAT NG MGA BIRHEN

Ang putong na pinakamarikit na siyang palamuti ni San Jose, ay
ang kanyang kalinisan sa pagka-binata, na sa Matandang Tipan
ay isang bagay na hindi kilala, o kaya ay kung kilala man ay
isang bagay na di-pangkaraniwan. Lalong Malaki ang karapatan
at kadakilan ni San Jose, na sa kalooban ng Diyos ay siyang

14