Page 12 - Pagsisiyam sa Karangalan ni Poong San Jose

halimbawa para sa lahat ng tao lalo na sa panahong ito ng
pananalat.

Sa kasalukayang panahon ay nababalitaan sa magkabilang ibayo
ng daigdig ang mga aklasang karaniwa’y sulsol lamang noong
mga galamay ng Komunismo. Sa panahon nating ito babahagya
pa ang nakadama ng lubos na katahimikan ay nakikita nating
nagbabadya ang bagong kaguluhang bunga ng maling pananalig
na ito ng mga manggagawa. Sa ganitong mga mapanganib na
panahon, ang isang taong Katoliko ay hindi dapat paglahuan ng
lakas ng loob. Kundi bagkus pa ngang magpakatibay at umasa
kay San Jose, na uliran at mapang-aliw sa mga nangangailangan.
Siya ang tanod ng manggagawang Katoliko, na pinagpala niya at
itinuro sa kanya sa Diyos at sa Iglesya Katolika sa mahirap na
kapanahunang ito. Ang tapat at wagas na pamimintuho kay San
Jose ay isa sa mga yugto at pangkat na tinatawag na “Kilusang
Katoliko” sa gitna ng mga tao.

IKA-LIMANG ARAW
SI SAN JOSE, ULIRAN SA KATUWIRAN AT KATAPATAN

Ang Banal na Kasulatan ay naglalarawan sa atin ng buhay ni San
Jose sa kaunting pangungusap lamang. Kaunti lamang salita ang
natunghayan sa Banal na Kasulatan tungkol kay San Jose, gayong
walang tao dito sa balat ng lupa na nakarating sa lalong mataas
na katayuan at karangalan ng kanyang sinapit. Ang tanging
nababanggit tungkol kay San Jose ay ang nauukol sa kanyang
pagkamatuwid; kabanalan na nakamtan matapos ang mahabang
panahon ng pagsasanay at pagsisikap. Ang kanyang
pagkamarangal sa pag-iisip at paggawa ay bungang tunay ng
kanyang katuwiran. Si San Jose ay isang taong may pananalita at
tapat sa kanyang pangungusap; kailanman ay pinararaan ang
kisinungalingan at ang kapusukan.

10