Page 11 - Pagsisiyam sa Karangalan ni Poong San Jose

Ibigin natin ang paggawa at iyon ay sadyang karapat-dapat
lalong-lalo na sa mga ama ng tahanan. Isang kahihiyan kung ang
isang ama ng angkan ay magpapabaya sa kanyang mga
katungkulan; siya na dapat maging uliran sa tahanan ay
nagpapalipas ng panahon sa katamaran, o kaya nilulustay ang
kayaman sa mga laro, sa masasamang pamumuhay,
samantalang ang asawa at ang mga anak ay nanatili sa
karalitaan. Hindi ba isang kasawian iyan? Pagbutihin nawa natin
at tuparin ang ating mga gawain na may malinis na layunin
kagaya ng ginawa ni San Jose, at sa loob ng maghapon ay
sambitin natin ng malimit ang magandang pangungusap na ito:
“Ang lahat ay dahil at ukol kay Jesus.”

IKA-APAT NA ARAW
SI SAN JOSE, MAPANG-ALIW SA MGA NANGANGAILANGAN

Sa ilalim ng sagisag na ito ay itinuro sa atin ng Santa Iglesya sa
Litania na tawagan si San Jose at ito’y tunay na makatuwiran.
Ang kanyang buhay ay isang buhay ng kasalatan maraming mga
bagay na sinapit niya na lubhang kasalungat ng maaaring
asahan. Ang kalagayan ng kanyang sinta, ang pagkahirang sa
kanya upang siyang maging ama-amahan ng Anak ng Diyos, ang
pagtakas sa gitna ng hindi kilala, ang pagbabalik sa kanyang
bayan at marami pang mga bagay; ang lahat ng ito’y mga
paksang mahirap para sa abang San Jose. Ngunit si San Jose ay
isang taong hindi nawawalan ng lakas ng kalooban at ang pag-
asa ay lagi na nasa oras at sa ganito ay dinudulang ang mahirap
na gawain at kahirapan sa buhay. Sa kanyang balikat ay
nakapatong ang libo-libong pagdaranas sa paggawa at
pagkagulo ng isip sa hinaharap. Gayunpaman, si San Jose ay
gumawa at nagsisikap at sa kabila ng mga kaguluhang iyan ay
lalong umunlad ang kaluluwa sa kabanalan. O! anong inam na

9