Page 15 - Pagsisiyam sa Karangalan ni Poong San Jose

ang inyong mga karaingan . . . at ang kapayapaan ng Diyos, na
higit sa lahat ng bait at pag-iisip ay siyang magiging tanod ng
inyong mga puso, ng inyong mga damdamin kay Hesukristo.”

Ang pagsang-ayon sa kalooban ng Diyos ay lumikha ng
kapayapaan at kaligayahan at tayo ay pinaging-mayaman sa
harap ng Diyos. Pasanin nga natin ang lahat nating krus nang
buong pagtitiis kagaya ni San Jose. At ang bagay na iyan ay
ipinapayo sa atin ng pagtulad kay Kristo. Ang pagtitiis ay siya
ninyong paglilingkod sa Kanya magpakailanman. Walang bagay
na kaibig-ibig sa Diyos at sa iyo na totoong makakabuti, kundi
ang magtiis ng matamis na kalooban nang dahil kay Kristo.

IKA-PITONG ARAW
SI SAN JOSE, KAIBIGAN NGA MGA BATA

Kung minsan ay namamalas natin ang larawan ng kabuhayan sa
Nasaret na doon ay nakikita si San Jose na nakikipaglaro sa bata
na si Jesus. Ito ay hindi isang katha lamang at bunga ng isang
diwang mahiligin sa sining, kung hindi tunay na pangyayari sa
tahanan sa Nasaret. Si San Jose ay kaibigan ng mga bata at sa
mga sandali na walang ginagawa, ang kinagigiliwan niyang
gawin ay ang maglibang sa piling ng batang si Jesus. Sa gayong
mga pagkakataon, ang mga tanikala ng pag-ibig sa dalawang ito,
kay Jesus at kay San Jose, ay lalong tumitibay at nag-aalab, at
itong banal na paglilibang na ito ay ang ligayang pinakamalaki
para sa malinis na si San Jose, matapos ang maghapong
paggawa at kapaguran. Hari nawa at sa ating kapanahunan ay
makita natin ang kaunting tilamsik man lamang ng pagtitiwala at
pagpapalayang iyan sa mga ama at mga anak; hari nawa at
makilala ng lahat ng anak sa kanilang mga magulang ang mga
kinatawan ng Diyos.

13