Page 14 - Pagsisiyam sa Karangalan ni Poong San Jose

IKA-ANIM NA ARAW
SI SAN JOSE, ULIRAN SA PAGTITIIS AT PAGSANG-AYON SA
MGA SAKUNA

Si San Jose ang lalong magandang halimbawa sa pagsang-ayon
sa kalooban ng Diyos sa lahat ng sakuna sa buhay. Ang Banal na
Angkan ay malimit na magdanas ng mga kaguluhan at sakuna.
Si San Jose ay may isang hamak na paggawaan sa Nasaret, na
pinagkakakitaan ng sapat na ikabubuhay, ngunit sumapit ang
sandali na napilitan siyang iwan ang gawain, ang kanyang
bayan, upang sumama kay Maria na maglakbay sa Belen. Sila
ay sumapit doon na hapong-hapo sa pagod at wala naming
magpatuloy sa kanila. Nang walang pumansin isa man sa balat
ng lupa at sa gitna ng ganap na karalitaan, ay siya ang tanging
saksi sa kapanganakan ng Anak ng Diyos. Makaraan pa ang ilang
taon napilitan naman silang magtago sa Ehipto. Tinahak nila ang
hindi kilalang lupain at ang Banal na Angkan ay nagdanas ng
mga kasamaan ng panahon. Si San Jose ay buong pagsang-ayon
tumungo sa ibang bayan sapagkat alam niya sa kabila ng mga
kahirapang iyan ay naghahari at pinapatnubayan naman siya ng
kamay ng Diyos na siyang nagpahintulot sa lahat ng ito. Ang
kaaliwan na nagdudulot ng ginhawa ng Diyos.

Kung ang Banal na Angkan ay hindi nakaligtas sa gayong
karaming krus at pahirap, katuwiran naman na hindi natin dapat
na pagtakhan kung ang ating mga angkan at tahanan ay
dinadalaw ng mga krus at pagtitiis. Huwag nawa tayong
paghaluan ng lakas ng loob na likha ng mga kahirapan at ng
sakuna sa buhay at ng amis at imbing ng kapalaran. Ano ang
mapapala natin, dumaing man tayo dahil sa krus ng buhay at
kahirapan na hindi maaaring mawala sa angkan?

“Huwag kayong magulo dahil sa pag-aalala sa anumang bagay”-
ang wika ni San Pablo – “kung hindi sa lahat ay iharap sa Diyos

12