Page 14 - pagsisiyam-ina-ng-hapis

Oblates of St. Joseph House of the Junior Professed

PANALANGIN

Ina ng hapis, dahil sa lumbay na iyong tiniis ay loobin mong kami’y
kasiyahang lubos sa katangiang sumasaamin dahil sa laging
pagkalapit namin kay Kristo sa Santisimo Sakramento. Loobin mong
‘wag naming malimutan na kami’y mga piniling anak ng Diyos at nawa’y
magawa namin nang buong kaya na si Hesus ay makilala at ibigin
naman ng iba. Bayaan mo kaming makihati sa lumbay ng iyong dinanas
sa pagkawala ng iyong Anak upang ito’y magamit namin sa ikabubuti
ng aming kaluluwa. Ina ng Sakit, ipamagitan mo kami sa Diyos upang
matamo namin ang aming kahilingan sa pagsisiyam na ito… (tahimik na
banggitin ang kahilingan)…kung yao’y sa lalong karangalan at
kaluwalhatian ng Diyos at sa ikabubuti ng aming kaluluwa.

LITANIYA SA MAHAL NA INA NG HAPIS (p. 3)
Aba Ginoong Maria (3x)
Papuri. . .

IKALIMANG ARAW
Nasalubong ni Maria si Kristo sa Daan Patungong

Kalbaryo

PAMBUNGAD NA PANALANGIN (p. 1)

PANIMULA
(Magsiupo ang lahat.)

Anong sibat ng kalungkutan ang tumimo sa puso ni Santa Maria
samantalang minamasdan niya ang anak na dala ang mabigat na krus
sa daan patungong Kalbaryo na pagkikitlan ng kanyang buhay. Anong
sakit ang dinanas ng Birheng Dolorosa nang makita ang dating
magandang anak na naliligo sa dugo, ang banal niyang ulong may
putong na korononag tink, mukhang larawan ng hirap, nanghihina,
halos ‘di na makaya ang mabigat na pasanin. Tiningnan ni Santa Maria
ang kanyang anak, ang mga mata nila’y nagtama at naunawaan ni
Hesus! Bagamat ang tabak ay muling tumimo sa kanyang kaluluwa,

12 | Mahal na Ina ng Hapis