Page 11 - pagsisiyam-ina-ng-hapis

tanuran ang Sanggol na ipinadala para sa ating kaligtasan. At
samantalang may mga panganib sa landas na patungo sa ibang bayan,
samantalang sila’y may pangambang madakip ng mga katiwala ni
Herodes, ay dinala ni Santa Maria ang bagong Sakit na ito nang buong
kagitingan at kasiyahang-loob alang-alang kay Kristo.

Marahil para sa ati’y hindi na darating ang araw na buong puso
nating ihahandog ang ating buhay sa Katolisismo. Marahil ay wala
nang pagkakataon upang mapatunayan natin ang ating pag-ibig sa
Diyos at sa pagtanggap sa putong ng isang martir. Marahil tayo ay
malayo na sa pagsubok na dinanas ng laksa-laksang Katoliko, sa
ibang lupa, sa nagdaaang panahon at maging sa ating kapanahunan
gaya sa Mehiko, Rusya, at Tsina. Ngunit kung tayo ma’y ligtas sa lalong
mahihirap na sakit na pagkamartir ay marami namang pagkakataon
na tayo ay nagpapakasakit sa ating sarili.
Ngayon, ang tunay na pagka-martir ay ang nagdadala ng
kanyang Krus sa araw-araw dahil kay Kristo. Lalong dakila kaysa
sunuging buhay o unti-unting patayin sa pmamagitan ng mga pahirap
ay ang ating pagkamartir araw-araw. Ito’y isang pagkakataong bukas
sa lahat, isang pagkakataong tinaggap ng lahat na may hangad na
bumuti. Ang banal ay maligayang nakakaawit ng “pagpapakasakit at
kamatayan sa Panginoon.” Ito ay siyang lihim ng tunay na kaligayahan
at tanging tanda ng pagkabuhay para kay Kristo lamang o
magpakabuti para sa Diyos.

PAGNINILAY-NILAY

Paminsan-minsan ba ay naaatasan kang gumawa ng mga bagay
na ipinagbabawal sa Simbahang Katolika? Marahil sa harap ng ibang
kaibigan ikaw ay naaanyayahang dumalo sa ibang pulong o kulto na
ipinagbabawal sa mga Katoliko?
Dinidinig mo bang una ang tugon ng iyong budhi o sinusunod ang
kanilang sinasabi?

Mahal na Ina ng Hapis | 9