UNANG SAKIT AT TUWA

Namumuno:
O kalinis-linisang Esposo ni Mariang kabana-banalan, maluwalhating San Jose, kung malaki man ang sakit at ligalig ng iyong puso doon sa pag-aalinlangan mong pagtatanan sa kalinis-linisan mong Esposa, ay malaki ring di masabi ang nakamtan mong tuwa, nang ipahayag sa iyo ng Anghel ng Kataas-taasang Kababalaghan, ang pagkakatawang tao ng Anak ng Diyos.
Lahat:
Alang-alang sa unang sakit mo’t tuwa ay hinihingi naming sa iyo na aliwin mo ngayon ang aming kaluluwa ng tuwa ng isang banal na pamumuhay at doon naman sa huli naming sakit ay pakamtan mo sa amin ang tuwa ng isang magandang pagkamatay sa gitna ni Hesus at ni Maria.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKALAWANG SAKIT AT TUWA

Namumuno:
O lubhang mapalad na Patriarka, maluwalhating San Jose, hinirang ka sa lahat na maging Ama sa turing ng Berbong nagkatawang tao, ang dakilang sakit na dinamdam ng puso mo, nang makita mong ipinanganak ang sanggol na si Hesus sa lubos na kasalatan, ay napawi niyong tuwang-langit na kinamtam mo sa pakikinig ng pag-aawitan ng anghel at sa pagkakita ng mag kahima-himalang nangyari, noong gabing yaon na lubhang maliwanag.
Lahat:
Alang-alang dito sa ikalawang sakit mo’t tuwa ay ipinagmamakaawa namin sa iyo na kung matapos itong aming lakad sa buhay na ito, ay mapakinggan namin ang pag-aawitan ng mga anghel at mapanood tuloy ang mga kaliwanagan ng kaluwalhatian sa langit.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKATLONG SAKIT AT TUWA

Namumuno:
O lubhang masunuring gumaganap ng mga kautusan ng Diyos, maluwalhating San Jose, ang kamahal-mahalang dugong ibinubo ng Sanggol na mananakop, ay naging sakit na tumagos sa iyong puso, ngunit nag pangalang Hesus ay nagging mula ng di masabing tuwa.
Lahat:
Alang-alang dito sa ikatlong sakit mo’t tuwa ay pakamtan mo sa amin na mabuhay kaming malayo sa dilang kasalanan at sa pagkalagot ng aming hininga ay may katuwaang sambitin ng aming loob at bibig ang kasantu-santuhang pangalang Hesus.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKA-APAT NA SAKIT AT TUWA

Namumuno:
O Santong lubhang tapat ang loob, kasangguni sa mga talinhagang gawa ng pagsakop sa amin, maluwalhating San Jose, kung ang paghula ni Simeon ng mag karalitaang hirap ni Hesus at Maria ay naging sakit mong Kamatay-matay, ang paghula niya naman, na yao’y ikagagaling ng di-mabilang ng mga kaluluwa ang siyang ikinapuspusang-tuwa ng loob mo.
Lahat:
lang-alang dito sa ikaapat na sakit mo’t tuwa ay pakamtan mo sa amin na kami ay ipakibilang mo sa mga mabubuhay na mag-uli na magsisiluwalhati sa langit pakundangan sa mga karapatan ni Hesus at sa pagmamakaawa ni Maria.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKALIMANG SAKIT AT TUWA

Namumuno:
O lubhang maingat na tagatanod at lagging kasama ng nagkatawang taong Anak ng Diyos, maluwalhating San Jose, anong laking pagod mo’t sakit sa pag-aalaga’t pag-aalis sa Anak ng kataas-taasang Diyos, lalung-lalo na noong mapilitan kang mapasa-Ehipto.
Lahat:
Alang-alang dito sa ikalimang sakit mo’t tuwa, ay ipinagkamit mo kami ng grasya na malayo sa mga kaaway ng aming kaluluwa sa pamamagitan ng paglayo sa mga panganib na ipagkakasala, upang mabunot naman sa aming mga puso ang lahat ng mga anito, mga makamundong hilig, nang kami ay mabuhay at magkapalad na mamatay sa paglilingkod lamang kay Hesus at kay Maria.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKA-ANIM NA SAKIT AT TUWA

Namumuno:
O Anghel ka dito sa lupa, maluwalhating San Jose, na natatausan ka ng di masabing pagkamangha nang Makita mong sumusunod sa iyo ang Hari ng langit. Kung malaki man ang nakamtan mong tuwa sa pag-uwi galing Ehipto, ay nahaluan naman ng sakit ng takot kay Arkelao, ngunit sa pagsunod mo sa bilin ng anghel ay tumahan kang maligaya sa Nazaret.
Lahat:
Alang-alang dito sa ikaanim na sakit mo’t tuwa ay pakamtan mo sa amin na kung ang aming puso ay ligtas sa nakaliligalig na pangamba ay malubos ang kapayapaan ng aming loob, at nang kung kami’y mabuhay na tahimik na kasama ni Hesus at ni Maria, kami ay tulungan nila sa aming paghihingalo.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.

IKAPITONG SAKIT AT TUWA

Namumuno:
O maluwalhating San Jose, uliran ka ng dilang kabanalan, malaking dikapala ang dinamdam mong sakit doon sa tatlong araw na ipinaghanap mo kay Hesus na bata. Ngunit humalili naman ang di-masabing tuwa nang Makita mo sa templo ang kinabubuhayan mo na napapagitna sa mga doktor.
Lahat:
Alang-alang dito sa ikapitong sakit mo’t tuwa ay isinasamo naming sa iiyo, mula sa kaibuturan ng aming puso, na sa tulong ng mahal mong saklolo, ay huwag sanang mawala sa amin si Hesus dahil sa kasalanang dakila at kung sakaling kami’y datnan ng gayong kasamaang-palad, ay makita nawa naming muli ang kanyang awa, lalo na sa oras ng kamatayan at nang makamtan naming siya doon sa langit at kami ay makasama sa iyo sa pagpupuri ng kanyang mga kaawaan maparating saan man.

Namumuno:
San Jose, anak ni David, esposo ng Birheng Maria, pinararangalan ka namin tagatanod ng Manunubos, at sinasamba naman namin ang Batang pinangalanan mong Hesus.
Lahat:
San Jose, pintakasi ng buong simbahan, ipanalangin mo kami upang matularan namin ang panghabang-buhay mong pagkalinga sa mga kapakanan ng Tagapagligtas. Amen.

Namumuno:
O, San Jose, Mahal na Pintakasi:
Lahat:
Ipanalangin mo kaming napapaampon sa iyo.