Page 24 - pagsisiyam-ina-ng-hapis

Oblates of St. Joseph House of the Junior Professed

Bawat isang kaluluwa ay haharap sa sandaling yaon upang alisin ang
lahat niyang pagkukunwari, at upang managot sa kanyang buhay, sa
kanyang mga gawa, salita at gunita. At ang kasunod noo’y ang lalong
mahalagang sandaling kababatayan ng ating walang-hanggang
gantimpala o parusang walang katapusan.

Kung tayo’y nasa pinto ng buhay na walang hanggan, o nasa bingit
ng kamatayan, kung handa tayo sa paglalakbay na walang pagbabalik,
ay dapat yayong humingi ng tulong sa Mahal na Ina ng Hapis. Upang
siya nating maging taga-akay, taga-ampon, taga-aliw at taga-tulong.

PAGNINILAY-NILAY

Ang mga gunitaing ito’y naglalapit baga sa iyo sa Diyos at gayundin
sa Banal na Ina? Ang gunitain ang kamatayan ay nagpapaalab baga ng
iyong paghahanda sa lalong mahalagang sandali ng iyong buhay?
Tinangka mo bang isabog sa iba ang panatang ito sa Ina ng
Dalamhati, ang panatang gawing pintakasi sa oras ng kamatayan, ang
Birheng Dolorosa?

PANALANGIN

Ina ng hapis, dahil sa masakit na pagkamartir na iyong dinanas sa
paanan ng Diyos sa loob ng tatlong oras na paghihirap ni Hesus, ay
marapatin mong tulungan kaming mga anak ng iyong kalumbayan, sa
aming huling paghihirap upang sa pamamagitan ng iyong mga
panalangin ay lumayo kami sa hihigan ng kamatayan at pumasok sa
katamisan ng langit. Ipamagitan mo kami sa Haring Diyos upang
matamo namin ang ang aming hinihiling sa pagsisiyam na ito
(magnilay-nilay sandali)… kung yao’y sa lalong karangalan at
kaluwalhatian ng Diyos at sa ikabubuti ng aming kaluluwa.
LITANIYA SA MAHAL NA INA NG HAPIS (p. 3)
Aba Ginoong Maria (3x)
Papuri. . .

22 | Mahal na Ina ng Hapis