Page 27 - pagsisiyam-ina-ng-hapis

N: Aba Ginoong Maria...
L: Santa Maria, Ina ng Diyos...

N: Ipanalangin mo kami, O Banal na Ina ng Diyos.
L: Nang kami'y maging dapat makinabang sa mga pangako ni
Hesukristo.

N: Manalangin tayo:
L: Panginoon naming Diyos, kasihan mo nawa ang aming mga
kaluluwa sa iyong mahal na grasya at yayamang dahilan sa
pamamalita ng angel ay nakilala namin ang pagkakatawang tao ni
Hesukristong Anak mo, pakundangan sa mahal na pasakit niya sa
Krus papakinabangan mo kami ng kanyang pagkabuhay na mag-
uli sa kadakilaan sa langit. Sa pamamagitan ni Hesukristong
aming Panginoon. Amen.

N: Papuri sa Ama at sa Anak at sa Espiritu Santo
L: Kapara nung unang-una ngayon, magpakailanman at
magpasawalang hanggan. Amen
(Ulitin ng makatatlong beses.)

N: Anghel ng Diyos...
L: Tagatanod kong mahal, na sa pag-ibig niya ako sa iyo ay
ipinaubaya. Sa araw na ito, sa piling ko ay huwag lumisan. Ako ay
tanglawan, ingatan at alalayan. Amen.

Mahal na Ina ng Hapis | 25